Sisindiran

Lamun urang ninun kantéh

ulah resep maké poléng

Lamun urang leutik kénéh

ulah resep ngomong goréng

Mun engké mesék kalapa        

pasti butuh ku cipati

Mun hadé ka indung bapa

pasti diasih ku Gusti

Mihapé sisir jeung minyak

kadé kaancloman leungeun

Mihapé pikir jeung niat

kadé kaangsonan deungeun

Meulak Saledri sareung kangkung

Tangkalna dua ngahiji

Loba Istri ditariungHanjakal teu bisa Ngaji

ninyuh ubar ku cipati

diwadahan piring gelas

anu sabar éta pasti

ku Allah dipikawelas

papan kiara ditatah

iraha jadi lomari

mun bisa miara létah

mokaha salamet diri

Samping kageutahan dukuh

di kelas di kacaikeun.

Nu matak maneh sing kukuh,

papatah guru imankeun.

Hampelas raraga jati, 

Palataran babalean,

 Iklas raga reujeung pati,

 Lantaran ti kahadean.

 Peupeujeuh ari ka dayeuh,

Meuli kupat jeung gorengan,

Peupeujeuh ari geus euweuh,

 Ulah ngupat kagorengan.

Cukleuk leuweung cukleuk lamping,

 Jauh ka sintung kalapa,

Lieuk deungeun lieuk lain, Jauh ka indung bapa.